გოლი მალიორკას კარში- ჟორჟი სეზონისთვის მზადებას განაგრძობს

„ლიონი’’ ახალი სეზონისთვის მზადებას განაგრძობს. „ვილფრანშთან’’ (1:0) და „ჰამბურგთან’’ (4:0) გამარჯვებებისა და „ანტვერპენთან’’ (0:0) ფრის შემდეგ ჟორჟ მიქაუტაძის გუნდმა ავსტრიაში გამართულ ამხანაგურ შეხვედრაში ლა ლიგის „მალიორკას’’ მოუგო 4:0. საქართველოს ნაკრების თავდამსხმელმა პირველ ტაიმში ითამაშა და მე-19 წუთზე გოლი გაიტანა. ეს გახლდათ შეხვედრის მეორე გოლი, რომლის ვიდეოსაც ქვემოთ გთავაზობთ.

ლიონელთა გასახარად ამ დღეს პროფესიულ კარიერაში თავისი პირველი გოლი შეაგდო 18 წლის ნახევარმცველმა ხალეს მერამ, რომელიც ალჟირული წარმოშობისაა, მაგრამ საფრანგეთშია დაბადებული და ორივე ქვეყნის მოქალაქე გახლავთ. აღსანიშნავია, რომ „ლიონმა’’ ოთხივე გოლი 36 წუთში გაიტანა.