ნაპოლიმ მორიგ ახალ კვარას მიაგნო

Dan Ndoye of Switzerland and Nathan Harriel of the United States battle for the ball during the first half of the match at GEODIS Park on June 10,... ჯერ ელიფ ელმასიო, მერე დავიდ ნერეშიო… ახლა, „ნაპოლი’’ 24 წლის შვეიცარიელის დან ნდოიეს ყიდვას აპირებს და ნეაპოლურ მედიაში კვლავ ატყდა ერთი ამბავი. ზოგმა თქვა კვარას მემკვიდრეს რად უნდა ძებნა, კვარას მემკვიდრეობა არარსებული ცნება და ხელოვნური პრობლემააო. ზოგმა პირდაპირ განაცხადა, რომ ნდოიე უძლიერესი გარემარბია და „აძურის’’ კვარას მაგივრობას გაუწევს. აბრუნებენ კვარაცხელიას გვარს და ვერ ხვდებიან, რომ ქართველ გარემარბზე ლაპარაკს ვერა და ვერ ანებებნ თავს.

კვარაცხელიას აჩრდილი მხოლოდ ტიფოზებს და ქომაგობის ჟინით ანთებულ ჟურნალისტებს კი არა, მწვრთნელებსაც არ აძლევს მოსვენებას. ერთი მათგანია ლუიჯი კანი, რომელიც 1988-2017 წლებში იტალიურ ფეხბურთში პროფესიულ დონეზე მუშაობდა. ბოლოს „ბრეშას’’ ედგა სათავეში. მან თქვა:

„ნდოიე უძლიერესთაგანია. ის მარცხენა ფრთიდან ყველას ანადგურებს. მას კვარახელიას შეცვლა შეუძლია’’.

დან ნდოიემ კარიერა „ლოზან სპორტ II’’-ში დაიწყო. თამაშობდა „ნიცაში’’, „ბაზელსა’’ და „ბოლონიაში’’. შვეიცარიის ნაკრებში 22 შეხვედრაში 3 გოლი აქვს გატანილი.