ორი მარცხი – სარბიელი

San Antonio Spurs forward Sandro Mamukelashvili (54) reacts to a play against the New Orleans Pelicans during the second half at Smoothie King Center. | HoopsHype სანდრო მამუკელაშვილის „სან ანტონიო სპურსი“ ისევ აგებს. ტეხასელები ამჯერად „შარლოტ ჰორნეთსან“ შინ 134:145 დამარცხდნენ და ფლეი ინის ზონას კიდევ უფრო ჩამორჩნენ. მწვრთნელმა სანდრო 17 წუთი ათამაშა და ჩვენებურმაც თავი 13 ქულას, 3 მოხსნას, 2 ჩაჭრას, 2 დაფარებასა და 1 პასს მოუყარა. სანდრომ ხუთიდან ორი ორქულიანი ჩააგდო, პერიმეტრიდან კი შვიდჯერ ისროლა და მიზანს სამმა მიაღწია, საჯარიმო ხაზზე კი არ დამდგარა.

წააგო გოგა ბითაძის „ორლანდო მეჯიქმა“, რომელიც სტუმრად „მინესოტასთან“ დამარცხდა – 111:118. ორლანდოელთა მწვრთნელმა ბითაძე მხოლოდ ექვსი წუთი ათამაშა. ამ დროში ქართველმა თითო მოხსნა-პასი-ჩაჭრა-დაფარება მოასწრო. „სან ანტონიოსგან“ განსხვავებით, „მეჯიქი“ ფლეი ინის ზონაში ტრიალებს და იქ მოხვედრა არ უნდა გაუჭირდეს. „ორლანდო“ მომდევნო მატჩს 16 მარტს, სტუმრად, კლივლენდში გამართავს, ამავე დღეს „სპურსი“ „ნიუ ორლეანსს“ უმასპინძლებს.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...