ევრო 2024-ის მეოთხედფინალში გერმანიისა და ესპანეთის ნაკრებების მატჩის 107-ე წუთზე, როცა ანგარიში 1:1 იყო, ესპანელთა მცველს, მარკ კუკურელის საჯარიმოში ბურთი ხელზე მოხვდა, მაგრამ ინგლისელმა არბიტრმა, ენტონი ტეილორმა (ვიდეორეფერისთან კონსულტაციის შემდეგ) თერთმეტმეტრიანი არ დანიშნა, მატჩის შემდეგ კი უეფა-ს სამსაჯო კომიტეტმა განმარტა, კუკურელიას ხელი სხეულიდან არ იყო დაშორებული და პენალტი დასანიშნი არ იყოო.
ამ მატჩიდან რამდენიმე თვის შემდეგ კი იმავე კომიტეტმა აღიარა – ესპანეთისა და გერმანიის ნაკრებთა მეოთხედფინალური მატჩისას, ჯამალ მუსიალას დარტყმული მარკ კუკურელიას ხელზე რომ მოხვდა, პენალტი უნდა დანიშნულიყოო.
უეფა-ს სამსაჯო კომიტეტის დასკვნას ესპანური გამოცემა „რელევო“ ავრცელებს: „ბოლო ინსტრუქციების თანახმად, კარისკენ მიმავალ ბურთზე ხელით შეხება უნდა დაისაჯოს 11-მეტრიანით იმ შემთხვევაში, თუ მცველის ხელი სხეულთან ძალიან ახლოსაა. ამ შემთხვევაში, მცველმა (მარკ კუკურელია) კარისკენ დარტყმა სხეულთან არც თუ ისე ახლოს მყოფი ხელით გააჩერა, შესაბამისად, არბიტრს პენალტი უნდა დაენიშნა”, – წერს გამოცემა.
შეგახსენებთ, რომ იმ შეხვედრის 118-ე წუთზე ესპანელებმა გერმანელებს მეორე გოლი გაუტანეს, ნახევარფინალში გავიდნენ და შემდეგ ჩემპიონებიც გახდნენ.
გერმანია კი ტურნირს მეოთხედფინალიდან დაემშვიდობა, როგორც აღმოჩნდა, უსამართლოდ…
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე