რჩება ვიქტორ ოსიმენი „ნაპოლიში”? სავარაუდოდ არა, მაგრამ სად წავა ჯერჯერობით გაურკვეველია. „პარი სენ ჟერმენი”, რომელიც ნიგერიელის ყველაზე რეალურ მყიდველად მიაჩნდათ, „პარტენოპეელთა” მოლოდინის საწინააღმდეგოდ აგრესიულ ვაჭრობაზე არ გადავიდა. დრო კი გადის. სულ უფრო და უფრო მნიშვნელოვანი ხდება გამოსავლის პოვნა. ამასთან, „ნაპოლის” ახალ მწვრთნელ ანტონიო კონტეს ოსიმენის ნაცვლად გუნდში მისთვის სასურველი თავდამსხმელის, ბელგიელი რომელუ ლუკაკუს მიყვანა სურს. ამაზე და შესაძლო სატრანსფერო ვარიანტების შესახებ ჩვენს მკითხველს კარგად მოეხსენება, მაგრამ ბოლო დროს გავრცელებულმა ხმებმა ფეხბურთელის აგენტი რობერტო კალენდა აღაშფოთა. მან X პლატფორმაზე დაწერა:
„სულ ვკითხულობ ცნობებს ვიქტორის წარმოსახვითი გაცვლის შესახებ. ხან ერთ ადგილზე უშვებენ, ხან — მეორეზე. გეგონება ამანათი იყოს, რომელიც რაც შეიძლება მალე უნდა ჩააბარონ დანიშნულების ადგილზე. მაგრამ, მოდი ნუ დაგვავიწყდება, რომ ეს ამანათი „ნაპოლის” ისტორიაში მესამე სკუდეტოს წელიწადს სერია A-ს საუკეთესო ბომბარდირი იყო. პატივი ვცეთ მას და ყალბი ცნობების გავრცელება შევწყვიტოთ”.
ავტორის პროფილი
- "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.
უახლესი პოსტები
აქეთურ-იქითური20/09/2026 | 09:37რუდ გულიტი: ვის მოუვიდა თავში აზრად სლოტის გაშვება?
კატეგორიის გარეშე20/09/2026 | 08:01რაფინიას გაბრწყინება ქოჩორას გუნდთან შეხვედრაში
აქეთურ-იქითური20/09/2026 | 06:56კვარამ და დემბელემ ერთმანეთი აქეს
აქეთურ-იქითური19/09/2026 | 08:48საფრანგეთში ზიდანის ერა იწყება