ოთხი თავისუფალი პარიზში

ვლადიმერ გამყრელიძემ ოლიმპიადის საგზური მოიპოვა სტამბოლში დასრულდა პარიზის ოლიმპიადის საკვალიფიკაციო ტურნირი თავისუფალ ჭიდაობაში.

86 კილოგრამამდე წონით კატეგორიაში, გამყრელიძემ სამი მეტოქე დაამარცხა და ეს ძალიან დამაჯერებლად გააკეთა. ჯერ შვეიცარიელ სტეფან რაიხმუტს სძლია 9:1, შემდეგ სამოელ ფაამალოსი ბარტლეის სძლია 10:0, ხოლო ბოლოს გერმანელ ლარს შაფლე დაამარცხა 7:2.

ნახევარფინალში გამყრელიძე ბულგარეთის სახელით მოასპარეზე დაღესტნელ რამაზანოვს გადაეყარა. სამწუხაროდ ვერ აჯობა – მძიმე ბრძოლაში 3:5 დამარცხდა და რეპეშაჟში გადავერთო.

შემდეგ ორი ორთაბრძოლა ჰქონდა მოსაგები და ამ დავალებას თავი წარმატებით გაართვა. ქართველმა მესამე ადგილისთვის დაპირისპირებაში მოლდოველ გეორგი რუბაევს სძლია 9:2, ხოლო შემდეგ მეორე ბრინჯაოს მედალოსან – უკრაინელ ვასილი მიხაილოვს მოუგო 8:2 და ოლიმპიადის ლიცენზიაც მოიპოვა.

შეგახსენებთ, რომ თავისუფალი სტილით ჭიდაობაში საქართველოს ოლიმპიადის ოთხი საგზური აქვს. პარიზში იჭიდავებენ: გოდერძი ძებისაშვილი (65 კგ.), ვლადიმერ გამყრელიძე (86), გივი მაჭარაშვილი (97), გენო პეტრიაშვილი (125).