სპალეტი: დე ლაურენტისთან ჩემი თანამშრომლობა საშინელებათა ფილმი იყო

Aurelio De Laurentiis president of SSC Naples and Luciano Spalletti during the awarding of citizenship of the city of Naples on December 7, 2023 in... იტალიის ნაკრების მწვრთნელისთვის ლუჩანო სპალეტისთვის ნეაპოლის საპატიო მოქალაქეობის მინიჭების დღეს მას და „ნაპოლის” მფლობელს აურელიო დე ლაურენტისს შორის საინტერესო დიალოგი, უფრო კი სიტყვათა გაცვლა შედგა, რამაც საზოგადოების ყურადღება მიიპყრო.

„ის ამბობს, რომ კინოდან მოვიდა და მართლაც, ჩვენი ერთად მუშაობა საშინელებათა ფილმი იყო”, — თქვა სპალეტიმ.

მის სიტყვებს სიცილი მოჰყვა. როდესაც რეაქცია ჩაცხრა, „ნაპოლის” ყოფილმა მწვრთნელმა დასძინა: „ხომ გინახავთ სცენა საშინელებათა ფილმიდან, როდესაც იმედოვნებთ, რომ ეს განსაცდელი ბოლოა და ცხოვრება ჩვეულებრივად გაგრძელდება, მაგრამ საბოლოოდ ვერაფერს ხდებით და ის თავს გესხმით… გმადლობთ, პრეზიდენტო”.

სპალეტის ნათქვამს დე ლაურენტისმა მყისიერი პასუხი გასცა: „დაიმახსოვრეთ, ამერიკული კინოინდუსტრია მხოლოდ საშინელებათა ჟანრის წყალობით ვითარდება”.