ბულგარეთის ნაკრები თბილისში მძიმე ავარიაში მოყვა

Todor Nedelev in hospital after the accident of the nationals in Georgia 2 ბულგარეთის ნაკრები თბილისში სერიოზულ ავარიაში მოყვა. პლოვდივის „ბოტევის” ფეხბურთელი ტოდორ ნედელევი პირველი ინფორმაციით სერიოზულად არის დაშავებული და საავადმყოფოშია. ელოდებიან ცნობებს მისი ჯანმრთელობის მდგომარეობის შესახებ, თუმცა ქართულ მას-მედიაში ითქვა, რომ ნედვედევის სიცოცხლეს საფრთხე არ ემუქრება.

ნედელევი უკანა სკამზე იჯდა, მაგრამ მაინც ყველაზე მეტად დაშავდა. ის ავტობუსის ჩამტვრეულმა შუშამ დააზიანა. ბულგარული პრესის ცნობით ნამსხვრევი მას მკერდში მოხვდა.

როგორც ირკვევა, ერთმანეთს დაეჯახა ბულგარეთის დელეგაციის ორი ავტობუსი. კერძოდ, ბულგარული საიტის 7sport.net-ის ინფორმაციით პოლიციის ესკორტი, რომელიც ბულგარელთა ავტობუსებს წინ მიუძღოდა, აეროპორტიდან სასტუმროსკენ მიმავალ სველ გზაზე, გვირაბში მოსრიალდა. წინა ავტობუსის მძღოლმა შეტაკების თავიდან აცილების მიზნით მკვეთრად დაამუხრუჭა და მას უკანა ავტობუსი შეეჯახა.

ბულგარეთის ფეხბურთის ფედერაციის ინფორმაციით, ნედელევის გარდა სხვა ფეხბურთელები დაზიანებას გადაურჩნენ.

Todor Nedelev in hospital after the accident of the nationals in Georgia 3