ძენ ბუდიზმი მანჩესტერ სიტიში

Manchester City ace Kevin De Bruyne opened the scoring at Molineux in the sixth minute კევინ დე ბრუინმა ერლინგ ჰოლანდის „მანჩესტერ სიტიში” გადასვლა აღნიშნაო, ასე აღიქვა ინგლისურმა მედიამ ჟესტი, რომლითაც ბელგიელმა „ვულვერჰემპტონის” კარში გატანილი ოთხი გოლიდან ერთ-ერთი აღნიშნა.

„ქალაქელებმა” „მგლები” სტუმრად დაარბიეს – 5:1. დე ბრუინმა სამი გოლი მატჩის პირველ 24 წუთში გაიტანა, მეოთხე კი მეორე ტაიმში დაამატა. „ვულვზის” კარში კიდევ ერთი რაჰიმ სტერლინგმა 84-ე წუთზე შეაგდო. რაც შეეხება მასპინძელთა ერთადერთ შედეგიან დარტყმას, ის დე ბრუინის 27 წლის თანამემამულემ ლეანდერ დენდოკერმა მე-11 წუთზე შეასრულა, რითაც ანგარიში 1:1 გახადა.

ეს გახლდათ „სიტის” პირველი თამაში მას მერე, რაც კლუბმა „დორტმუნდისგან” 21 წლის ჰოლანდის გადაბირება დაადასტურა. 1 ივნისს ნორვეგიელი თავდამსხმელი ოფიციალურად გადავა „ეტიჰედზე”. ამბობენ, რომ მანკუნიანთა ბანაკში ამ ტრანსფერით 30 წლის მაესტრო დე ბრუინის დარად არავის გაუხარია და ალბათ ამიტომაც აღიქვეს ჰეთ-თრიკის შემდეგ მისი სამთითაღმართული ზეიმი ჰოლანდის ტრანსფერის გამოძახილად. ნორვეგიელმა იცის ხოლმე ასე: ძენ-ბუდისტის პოზაში დაჯდება, გეგონება ლოცულობს, მედიტაციას ეწევაო.

მართალია, თამაშის დამთავრების შემდეგ „სქაი სპორტთან” საუბარში ბელგიელმა აღნიშნა, რომ ჰოლანდი და ძენის პოზა არაფერ შუაშია, მან უბრალოდ სამი გოლის მერე აღმართა სამი თითი, მაგრამ ბევრმა არ დაუჯერა. სოციალურ ქსელებში ქომაგები ჯიუტად წერდნენ, რომ ეს სწორედ ძენის გამოძახილი იყო და ამ საქციელისთვის ნახევარმცველს აქებდნენ.

„სიტის” გულშემატკივრებს ერთი სული აქვთ, როდის ნახავენ კევინ დე ბრუინის პასებს და ერლინგ ჰოლანდის გოლებს.

the 21-year-old often marks a goal with a 'zen pose'