ვალენსია ნახევარფინალშია

„ვალენსიამ“ ოთხშაბათს „მესტალიაზე“ „კადისს“ 2:1 მოუგო და ესპანეთის სამეფო თასის ნახევარფინალში გავიდა. „ჩეების“ კარს კვლავ ხაუმე დომენეკი იცავდა. გიორგი მამარდაშვილი სათადარიგოთა სკამზე იჯდა.

ანგარიში 24-ე წუთზე გონსალო გუედეშმა გახსნა, თუმცა, 54-ზე ლუკას პერესმა პენალტით გაათანაბრა. მასპინძელთა გამარჯვების გოლი უგო დურომ 79-ე წუთზე შეაგდო, 84-ზე კი შეხვედრის კიდევ ერთი გამორჩეული ამბავი მოხდა: „კადისს“ მეორე ყვითლის გამო ხუან კალა გაუგდეს მოედნიდან.

იმავე საღამოს „რაიო ვალეკანომ“ „მალიორკას“ 1:0 აჯობა, რაც იმას ნიშნავს, რომ მას და „ვალენსიას“ ნახევარფინალში შეხვდებათ „ბეტისსა“ და „რეალ სოსიედადს“ ან „ბილბაოსა“ და „რეალს“ შორის გამარჯვებული.