გოლი ქალივითაა: დაელოდე და მოვა

გერმანიის ნაკრებმა 31 მარტს საშინაო მატჩი სენსაციურად დათმო ჩრდილოეთ მაკედონიასთან. ყველაფერი კარგად იქნებოდა, შეხვედრის მე-80 წუთზე ტიმო ვერნერს თითქმის ცარიელ კარში რომ გაეტანა.

არადა, კარს კი არა, მთლად ბურთს ააცილა ფეხი. ამ დროს ანგარიში 1:1 იყო. 85 წუთზე კი უკვე მაკედონიამ გაიტანა და… 1:2.

გერმანული მედია ვერნერს ამ შეცდომას ვერ პატიობს. მის სახელზე დაბეჭდეს მაკედონიური პასპორტი და გაცემის თარიღად 31.03.2021 მიუთითეს – მატჩის ჩატარების დღე.

„ჩელსის“ მწვრთნელმა თომას ტუხელმა ფეხბურთელის გამხნევება სცადა:

„ტიმო ძალიან კარგი ფეხბურთელია, მაგრამ ყველაფერი ხდება. გოლი ქალივითაა: ურეკავ, ურეკავ და არ გპასუხობს, მერე კი, როცა ზარებს შეწყვეტ, თავად გადმოგირეკავს. ტიმო, გოლებიც მოვა!”

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".