ორი ნაბიჯით წინ

ფიფამ ახალი რეიტინგი გამოაქვეყნა. საქართველოს ნაკრები ორი საფეხურით დაწინაურდა. ვლადიმირ ვაისის გუნდს 1274 ქულა აქვს და 91-ედან 89-ე ადგილამდე აიწია. უახლოესი მეტოქე ბელარუსი ოდნავ ზემოთ, 87-ე ადგილზეა. მომდევნო მეტოქე სომხეთი – 101-ე.

შეგახსენებთ, რომ სექტემბრის შეხვედრებში საქართველომ ესტონეთს 1:0 მოუგო, ჩრდილოეთ მაკედონიასთან კი 1:1 ითამაშა.

უშუალოდ ევროპაში კი, საქართველო 39-ე საფეხურზეა და 16 ქვეყანას უსწრებს.

რაც შეეხება საუკეთესოებს, ლიდერი ისევ ბელგიაა. მომდევნო ადგილები არ შეუცვლიათ საფრანგეთს, ბრაზილიასა და ინგლისს. მეხუთე ადგილზე აინაცვლა პორტუგალია, რომელმაც ურუგვაი ჩააჩოჩა. ესპანეთმა ადგილი გაუცვალა ხორვატიას, ხოლო საუკეთესო ათეულს არგენტინა და კოლუმბია კეტავენ.