ბოსტონის მარათონი ვირტუალურად

უძველესი და უპრესტიჟულესი ბოსტონის მარათონი წელს აღარ ჩატარდება. თავდაპირველად ითქვა, რომ გარბენი 14 სექტემბრისთვის იყო გადატანილი, ახლა კი მის ჩატარებაზე ორგანიზატორებმა ხელი საბოლოოდ ჩაიქნიეს. მიზეზი, ცხადია, კორონაპანდემიაა.

შევნიშნოთ: ბოსტონის მარათონი არსებობის 124-წლიან ისტორიაში აქამდე ერთხელაც არ ჩაშლილა.

თუმცა, უმარათონოდ წელი მაინც არ ჩაივლის და ის … ვირტუალურად გაიმართება. ყველას, ვინც გარბენში დარეგისტრირდა, სარეგისტრაციო შენატანს უბრუნებენ და ამავე დროს სთავაზობენ: სადაც გინდათ გაირბინეთ 42,1 კილომეტრი და თუ თქვენი დრო 6 საათზე ნაკლები აღმოჩნდება, დადასტურებული მონაცემები გამოგვიგზავნეთო.

ბოსტონის მარათონი თავდაპირველად 20 აპრილს იყო დაგეგმილი. მის გარდა წელს აღარ ჩატარდება რომის, ბარსელონას, პარიზის და ბერლინის მარათონები.

ავტორის პროფილი

გიორგი დარჯანია: „სპაიდერმენი“, „ბეტმენი“, „სუპერმენი“... მასზე უნდა გადაიღო ფილმი სათაურით - „შემსრულებელმენი“. გიორგი დარჯანიას დაავალე - შეასრულებს, ოღონდ ხუთ საათამდე. ხუთის მერე ვეღარ იპოვი.