ხუთი ცვლილება და არVARგა

როდესაც პრემიერლიგის შეწყვეტილი ჩემპიონატი განახლდება, გუნდებს თამაშში ხუთი ცვლილების ნებას დართავენ. ეს სიახლე დროებითია და მისი მიზანია შინ ნაჯდომი ფეხბურთელების ფიზიკური გადაწვისგან და ტრავმებისგან დაცვა.

ხუთი ცვლილების წესი ფიფამ თავად შესთავაზა ფეხბურთის ასოციაციის საბჭოს. ეს საბჭო, მსოფლიოში ფეხბურთის თამაშის წესებს განაგებს. მან ფიფას შეთავაზება დაამტკიცა.

ადრეც დავწერეთ, მაგრამ შესაძლოა ვინმეს გამორჩა: ცვლილება კი ხუთი იქნება, მაგრამ შეცვლებისთვის ნებადართული დრო იქნება სამი.

და არის კიდევ ერთი ცვლილება — ჯერჯერობით გაურკვეველი დროით აიკრძალება VAR-იც. ამის მიზანი სოციალური დისტანცირების წესისთვის ხელის შეწყობაა. ამასთან, პრემიერლიგამ თავის 20 კლუბს შეატყობინა, რომ ვიდეორეფერის გაუქმებაც დროებითი ზომაა. როდესაც კორონავირუსის საფრთხე გადაივლის, მას აუცილებლად აღადგენენ.

პრემიერლიგამ ფეხბურთელებს აგრეთვე დაავალა რეგულარულად წმინდოდ თავიანთი მანქანები, ვარჯიშებზე და თამაშებზე მარტომ, მგზავრების გარეშე იარონ და არ ისარგებლონ საზოგადოებრივი ტრანსპორტით.

ინგლისის ჩემპიონატის აღდგენას 12 ივნისს, უმაყურებლო და ნეიტრალურ სტადიონებზე აპირებენ.