ბედნიერი იყავი, დედა!

ნეიმარს მისალოცად აქვს საქმე. დედამისს, ნადინ გონსალესს იმდენად თავბრუდამხვევი რომანი აქვს, უფეხბურთოდ დარჩენილი და ჭორებზე დაქოქილი მედიის მთავარ სამიზნედ იქცა.

„არც ვიცი, როგორ მოხდა ის, რაც მოხდა. აუხსნელს ვერ ახსნი,” – ამბობს ნადინ გონსალესი, რომელიც რჩეულის აფიშირებას არ ერიდება. საჩოთირო მხოლოდ ისაა, რომ რჩეული მასზე ზუსტად 30 წლით უმცროსია..

22 წლის ტიაგო რამოსი ბრაზილიაში ცნობილი ფიგურაა, კიბერსპორტითაა დაკავებული და სერიოზულ წარმატებებსაც მიაღწია.

ნეიმარი, რომელიც პოტენციურ მამინაცვალზე 6 წლით უფროსია, გაგებით მოეკიდა სიტუაციას და სოციალურ ქსელში დაწერა: „ბედნიერი იყავი, დედა. მიყვარხარ!“

ნეიმარის მშობლები ერთმანეთს 26-წლიანი თანაცხივრების შემდეგ 2016-ში დაშორდნენ.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".