ტოჩინოშინის დაღმასვლა

10 დღის შემდეგ, ტოჩინოშინს ბალანსი 5:5-ზე ჰქონდა და, მიუხედავად ტრავმისა, რას ვიფიქრებდით, რომ შემდეგი ოთხი ორთაბრძოლიდან ოთხივეში დამარცხდებოდა. სუმოში ასეა, რაც ბაშოს ბოლოსკენ მიდიხარ, უფრო რთულ მოწინააღმდეგეები გხვდება, მაგრამ ექს-ოძეკისგან მაინც მეტს ელოდები.

ექს-ოძეკების ჯახი, შეიძლება ასეც მოვიხსენიოთ ტაკაიასუსა და ტოჩინოშინის შერკინება. ერთ დროს სუმოს თავში მდგარნი, დღეს ისე მძლავრად ვეღარ გამოიყურებიან.

ურთიერთშეხვედრებში იაპონელი იგებდა 11:8-ს და, სამწუხაროდ, მის აქტივს კიდევ ერთი შეემატა. მან უპირატესობა ტაჩი-აიზევე (თავდაპირველი შეჯახება) მოიპოვა და ქართველი დოჰიოს დაანარცხა.

ტოჩინოშინის ბალანსი ამჟამად 5:8-ზე აქვს, ხვალ კი დიდი ტურნირის ბოლო დღე ელოდება…