რიბერის ხელფასი უშოვნეს

„ბილდის” ცნობით, ფრანკფურტის „აინტრახტი” 36 წლის ფრანგი ფეხბურთელის ფრანკ რიბერის წარმომადგენელს უნდა დაკავშირებოდა და ერთწლიანი კონტრაქტი შეეთავაზებინა. ფრანკფურტელები ამ ერთი წლის განმავლობაში რიბერის ძირითად შემადგენლობაში რეგულარულად თამაშის გარანტიას აძლევენ.

ფეხბურთელს და ბუნდესლიგის კლუბს შორის იოლად შესაძლებელია ხელშეკრულება მართლაც გაფორმდეს. ერთი მხრივ რიბერი თავისუფალი აგენტია ანუ მის დასამატებლად სატრანსფერო თანხის მოძიება აუცილებელი არ არის და მეორე მხრივ, „აინტრახტმა” ამ ზაფხულს რამდენიმე ფეხბურთელი გაყიდა რაც იმას ნიშნავს, რომ მას აქვს საკმარისი თანხა, ფრანგს ისეთივე ხელფასი რომ გადაუხადოს, როგორსაც „ბაიერნი” უხდიდა.

ლაპარაკია, წელიწადში დაახლოებით 15 მილიონ ევროზე.

სანამ მისი ბედი გაირკვევა, რიბერი ინდივიდუალურად ვარჯიშობს და ამის დამადასტურებელ ფოტოებს ყოველდღე „ინსტაგრამზე” დებს.