სულ ერთმანეთზე მცოდნე ხალხი იძახდა, კონფერენციის ფინალში „გოლდენ სტეიტის“ და „ჰიუსტონის“ დაჯახება ამერიკული კალათბურთის ისტორიაში ყველაზე თვალსასეირო გამოდგებაო.
ობიექტურად, „გოლდენ სტეიტი“ უფრო ძლიერია სტივ კარით, კევინ დურანტით და საერთოდ – მკვლელი ხუთეულით, რომელსაც ხანდახან უნდა მისცე ამოსუნთქვის საშუალება.
მეორე მხარეს შეშლილი ჰარდენია, რომელიც 30 ქულას, ალბათ, გათოკილიც გადასცდება. ჰო, გვერდშიც ჯილა ბიჭები ჰყავს, მაგრამ მთავარი „რაკეტა“ ეგ არის.
პირველ შეხვედრაში „გოლდენ სტეიტმა“ მისსავე მოედანზე მასტერკლასი ჩაუტარა მეტოქეს და როგორც ჩანს, საკუთარ თავსვე ავნო. ზედმეტად თავდაჯერებულმა ჩემპიონებმა მეორე შეხვედრა ზედიზედ ხუთი დაკარგვით დაიწყეს, კერიმაც ვერ იყოჩაღა და მარტო დურანტი ჰიუსტონელებს ვერ ეყო.
სერიის ანგარიში 1:1-ია. მთავარი სანახაობა წინ არის და თუ გურმანი ხართ უნდა უყუროთ: რამდენადაც ცხადია, ორი დიდი გუნდი თვეების განმავლობაში სწორედ ერთმანეთთან საომრად ამზადებდა ტაქტიკას.
ავტორის პროფილი
- მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".
უახლესი პოსტები
კატეგორიის გარეშე21/11/2021 | 16:00დროებითი ლორან ბლანი
აქეთურ-იქითური20/11/2021 | 19:48დანი ალვეში – თავნება გენიოსი
აქეთურ-იქითური17/11/2021 | 13:13ლემპარდს ლესტერი უნდა
აქეთურ-იქითური16/11/2021 | 17:31ვინ არის ადეიემი?