უქემეებზე პსჟ-ის პრეზიდენტი ნასერ ალ-ჰალეფი ბრაზილიაში ჩაფრინდა. ოფიციალური საბაბი ნეიმარის საქველმოქმედო ორგანიზაციის გახსნაში მონაწილეობაა, თუმც კი კულუარულად ითქვა- პრეზიდენტი ეცდება ნეიმარი პსჟ-ში დარჩენაზე დაიყოლიოსო.
აი, რამდენიმე მიზეზი, რატომაც არ მოსწონს ნეიმარს საფრანგეთი:
– აქაური ფეხბურთი უხეშიაო.
– ბალახი მეტისმეტად მაღალიაო.
– გასვლით მატჩებზე ავტობუსით დავდივართო.
და ამგვარები…
ფეხბურთელის აგენტებმა უკვე ამცნეს არაბ ბოსებს, თუ ჩვენს კლიენტს ხელფასზე კვირაში 1 მილიონ ფუნტს (!!!) წაუმატებთ, დისკომფორტი მაშინვე მოეხსნებაო. შეგახსენებთ, რომ მოქმედი კონტრაქტით ნეიმარმა 5 წელიწადში ასტრონომიული 264,5 მილიონი ევრო ისედაც უნდა მიიღოს.
ნეიმარის გადაბირება „რეალის“ პრეზიდენტ ფლორენტინო პერესს სურს და მადაზე მოსული ბრაზილიელისთვის შეუთვლია, არც ფულით გაწყენინებ და „ოქროს ბურთს“ ჩვენთან უფრო ადვილად მიიღებო… ყველამ იცის, რომ ნეიმარი ჭირვეული ბავშვივით ოცნებობს „ოქროს ბურთზე“.
ავტორის პროფილი
- მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".
უახლესი პოსტები
კატეგორიის გარეშე21/11/2021 | 16:00დროებითი ლორან ბლანი
აქეთურ-იქითური20/11/2021 | 19:48დანი ალვეში – თავნება გენიოსი
აქეთურ-იქითური17/11/2021 | 13:13ლემპარდს ლესტერი უნდა
აქეთურ-იქითური16/11/2021 | 17:31ვინ არის ადეიემი?