ვაისის ახალი აისი

ის, რაზეც აქამდე მხოლოდ საქართველოს ფეხბურთის ფედერაციის პრეზიდენტი ლევან კობიაშვილი საუბრობდა, ეროვნული გუნდის მწვრთნელმა ვლადიმირ ვაისმა დაადასტურა. პრესკონფერენციაზე სლოვაკმა მწვრთნელმა თქვა, რომ…

ვლადიმირ ვაისი საქართველოში კიდევ ორი წელიწადი იმუშავებს

– დიახ, გადავწყვიტე, საქართველოს ნაკრებში კიდევ ორი წელიწადი ვიმუშავებ, რის შემდეგაც, ვიმედოვნებ, ჩემი საქმიანობა წარმატებულად შეფასდება.

შეგახსენებთ, სლოვაკი ვლადიმირ ვაისი საქართველოს ნაკრებში 2016 წლიდან მუშაობს. მის ხელში ეროვნულმა გუნდმა მოიგო 3 შეხვედრა (სამივე – ამხანაგური), ფრედ ითამაშა 7 და წააგო 8 მატჩი. ვაისის ხელმძღვანელობით საქართველოს ნაკრებმა შესარჩევ ჯგუფში 5 მატჩი ფრედ დაამთავრა, 5 წააგო და 6 გუნდს შორის მე-5 საფეხურს დასჯერდა. საინტერესოა, რომ არგენტინელი ექტორ რაულ კუპერის შემდეგ (6.25%) მოგებათა ყველაზე დაბალი პროცენტული მაჩვენებელი სწორედ ვაისის გუნდს აქვს – 16.67%.

ასეთი შედეგის მიუხედავად, ვაისს საქართველოს ფეხბურთის ფედერაციამ ახალი კონტრაქტი შესთავაზა და აგერ, ისიც დათანხმდა. წარმატებები!

ავტორის პროფილი

კობა ინასარიძე: კობა ინასარიძე–ანი ინასარიძის და ექსკლუზიური მასალების მამა. ხშირად შემჩნეულია ქართულ ფეხბურთში არსებული განუკითხაობისა და არაპროფესიონალიზმის წინააღმდეგ ბრძოლაში. დელიკატესებიდან უყვარს "სარბიელი", ლუდი და გერმანიის ნაკრები.

უახლესი პოსტები

Post Views: 25