„მანჩესტერ იუნაიტედისა“ და ინგლისის ნაკრების ყოფილმა ვარსკვლავმა, უეინ რუნიმ, მოთამაშის კარიერა დაასრულა და „დერბი ქაუნთის“ მთავარი მწვრთნელი გახდა. „შრეკი“ ჯერ „ვერძების“ მოთამაშე-მწვრთნელი იყო, შარშან, ნოემბრიდან კი, მთავარი მწვრთნელის პოსტზე ნიდერლანდელი ფილიპ კოკუ შეცვალა. ოღონდ მინიშნებით – დროებითი. დღეს მან კლუბთან 2,5 წლიანი კონტრაქტი გააფორმა.
ინგლისურ ფეხბურთთან წლინახევრიანი განშორების შემდეგ უეინ რუნი კუნძულზე დაბრუნდა და პირველივე შეხვედრაში „დერბი ქაუნთის“ კაპიტნის სამკლავურით შეუძღვა მოედანზე. მისმა გუნდმა „ბარნსლი“ 2:1 დაამარცხა, ახალგამომცხვარმა კაპიტანმა კი საგოლე პასი მიითვალა. უეინმა ცენტრალური ნახევარმცველის პოზიციაზე ითამაშა, სამი ართმევა გაახერხა და რამდენჯერმე მსაჯსაც ეკამათა. მოკლედ, ისევ ის რუნია. მან 32 ნომერი აირჩია, რაც თავიდან საბუკმეკერო კანტორა 32 RED-ის...