იბერიამ ლიგა შეცვალა, ანგარიში – არა

ჩემპიონთა ლიგის საკვალიფიკაციო ეტაპიდან „იბერია 1999“ კონფერენციის ლიგაში გადაინაცვლებს.

ლევან კორღალიძის გაწვრთნილმა გუნდმა შვედურ „მალმიოსთან“ განმეორებით მატჩშიც 1:3 წააგო.

თბილისელებმა მხოლოდ პირველი ტაიმი ითამაშეს. უფრო სწორად, მეტოქეს არ მისცეს თამაშის საშუალება და ტაიმი უგოლოდ დასრულდა.

შესვენების შემდეგ კი შვედების უპირატესობა ყველაფერში აისახა: მეორე ტაიმი 15 წუთის დაწყებული იყო მასპინძლები უკვე ორი ბურთით რომ იგებდნენ. ამას თან „იბერიას“ კაპიტნის გიზო მამაგეიშვილიც გაძევებაც დაერთო და სტუმართა მდგომარეობა უფრო დამძიმდა.

შემდეგ თავი დიდად არც შევდებს მოუკლავთ და გუნდებმა თითო გოლი მატჩის მიწურულს გაცვალეს. სტუმართაგან ამირან ძაგანიამ გაიტანა. „იბერია“ კონფერენციის ლიგის მეორე საკვალიფიკაციო ეტაპზე ესტონურ „ლევადიას“ შეხვდება.