ინგლისმა ფრანგული ჰეგემონია დაამხო

სამხრეთ აფრიკაში გამართული მსოფლიო ჩემპიონატი 20 წლამდე ასაკის მორაგბეთა შორის ინგლისის ნაკრების გამარჯვებით დასრულდა. „ვარდებმა“ გადამწყვეტ მატჩში ბოლო სამი ჩემპიონატის ტრიუმფატორ საფრანგეთს 21:13 მოუგეს, არადა სულ რაღაც ერთი თვის წინ უმცროსმა ბორჯღალოსნებმა მომავალი მსოფლიო ჩემპიონი ტესტ-მატჩში სასტიკად დაამარცხეს – 45:17.

მესამე ადგილზე ახალი ზელანდიის U20 გავიდა, რომელმაც ირლანდიას 38:24 აჯობა. მე-5 ადგილისთვის მატჩი არგენტინამ ავსტრალიას 14:6 მოუგო, მე-7 ადგილზე მასპინძელი სამხრეთ აფრიკა გავიდა, რომელმაც უელსი 47:31 დაამარცხა, მე-9 ადგილზე ტურნირი საქართველომ დაასრულა, რომელმაც იტალიას 24:13 მოუგო, ხოლო მე-11 საფეხური ესპანელებმა დაიკავეს, რომელთაც ფიჯი დამატებით დროში 24:19 დაამარცხეს.

ფიჯი გავარდა და გაისად ალაფაზე ითამაშებს, მის ნაცვლად კი ელიტაში შოტლანდიელი 20-წლამდელები იასპარეზებენ. ერთი ისაა, რომ 2025 წლი მსოფლიო ჩემპიონატის ჩატარების ადგილი ჯერაც არაა დადგენილი. ამბბობენ, საქართველოსა და ესპანეთის კანდიდატურებს შორის „მსოფლიო რაგბი“ უპირატესობას დასავლურ იბერიას მიანიჭებსო.

ავტორის პროფილი

სლავა გასპაროვი: სლავა გასპაროვი - კაცი, რომელმაც თბილისის ყველა ქუჩა და ყველა ჩიხი იცის. ასევე იცის, სად რომელი ნომერი მარშრუტკა და ავტობუსი მიდის. რაც მთავარია, მშვენიერი მოქართულეა.