ოთარ კიტეიშვილმა თავზე ავსტრიული გვირგვინი დაიდგა და ახლა თამამად შეუძლია „შტურმიდან“ ვალმოხდილი წავიდეს.
ავსტრიის ჩემპიონი, თასი და საუკეთესო ფეხბურთელი – ასეთია საქართველოს ნაკრების 28 წლის ნახევარმცველის წლევანდელი მონაგარი. და ეს ყველაფერი გააკეთა მაშინ, როდესაც „შტურმში“ ბოლო სეზონს ატარებდა.
კიტეიშვილს ავსტრიულ გუნდთან კონტრაქტი 30 ივნისს უმთავრდება. ჩემპიონობა კი დღეს გაფორმდა – „შტურმმა“ შინ 2:0 მოუგო „კლაგენფურტს“ და 11-წლიანი პაუზის შემდეგ ისევ გახდა ქვეყნის ჩემპიონი.
მართალია, კიტეიშვილს ბოლო მატჩი ყვითელი ბარათების სიჭარბის გამო არ უთამაშია, მაგრამ ჩვენებურის დამსახურება უდიდესია. ტყუილად არ უღიარებიათ ქართველი ნახევარმცველი ჩემპიონატის საუკეთესო ფეხბურთელად – კიტეიშვილმა მიმდინარე სეზონში ცხრა გოლი გაიტანა და ხუთი საგოლე პასი გააკეთა. ახლა კიტეიშვილს შეუძლია საქართველოს ნაკრებთან ერთად მშვიდად მოემზადოს ევროპის ჩემპიონატისთვის…
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე