საქართველო ერთა ლიგას ჩეხეთით დაიწყებს

8 თებერვალს პარიზში ერთა ლიგის 2024-2025 წლების გათამასების წილისყრა გაიმართა. საქართველოს ეროვნული ნაკრები B ლიგის პირველ ჯგუფში მოხვდა, სადაც ჩვენი მეტოქეები ჩეხეთის, უკრაინისა და ალბანეთის ნაკრებები იქნებიან.

უკვე ცნობილია გათამასების კალენდარი და თამაშების გამართვის თარიღები:

7 სექტემბერი / საქართველო-ჩეხეთი

10 სექტემბერი / ალბანეთი-საქართველო

11 ოქტომბერი / უკრაინა-საქართველო

14 ოქტომბერი / საქართველო-ალბანეთი

16 ნოებერი / საქართველო-უკრაინა

19 ნოემბერი / ჩეხეთი-საქართველო

B ლიგის ჯგუფების გამარჯვებულები A ლიგაში გადავლენ, მეორეადგილოსნები კი რანგით მაღალ ლიგაში დაწინაურების შანსს A ლიგის მესამეადგილოსნებთან ორმატჩიან პლეი ოფში მიიღებენ. B ლიგის ჯგუფებში ბოლო ადგილზე გასული გუნდები C ლიგაში დაქვეითდებიან.

ერთა ლიგის ახალი სეზონის პლეი ოფის მატჩები 2025 წლის მარტში გაიმართება, ხოლო ფინალური ტურნირი 2025 წლის ივნისში.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...