დაძაბული შეხვედრა ნაპოლის ბაზაზე

იტალიის თასზე „ფროზინონესთან” 0:4 დამარცხების შემდეგ „ნაპოლი” კასტელ ვოლტურნოს ბაზაზე შეიკრიბა. როგორც ადგილობრივი პრესა იტყობინება, კლუბში დაძაბულობაა. ბაზაზე გახლდათ პრეზიდენტი აურელიო დე ლაურენტისიც, რომელმაც ცადა მისი გუნდში ყოფნა საგრძნობი და მნიშვნელოვანი ყოფილიყო. დე ლაურენტისი შეხვდა მწვრთნელ ვალტერ მაცარისა და სპორტულ დირექტორ მაურო მელუსოს.

როგორც საქმეში ჩახედული ჟურნალისტი ჯოვანი სკოტო წერს, პრეზიდენტმა მწვრთნელისგან მოითხოვა გარანტია, რომ გუნდი სეზონს ოთხეულში დაამთავრებს. ამბობენ, რომ მაცარიმ ბიზნესმენს ასეთი პირობა მისცა, ოღონს ახალი წლის სატრანსფერო ბაზარზე შემადგენლობის გაძლიერება სთხოვა. როგორც სკოტო იტყოვინება, არ არის გამორიცხული გუნდი სამმცველიან დაცვაზე გადაეწყოს.