კაპელომ ღიპიანების გუნდი დაინახა

Eljif Elmas, Victor Osimhen and Khvicha Kvaratskhelia of SSC Napoli talk during the Serie A football match between SSC Napoli and Sassuolo Calcio.... დიდმა იტალიელმა მწვრთნელმა, გადადგომის შემდეგ კი ტელეკომენტატორმა ფაბიო კაპელომ „ნაპოლის” შესახებ ილაპარაკა.

„ნეაპოლელთა პირველ თამაშებს დიდი დაკვირვებით ვადევნებდი თვალყურს და დამრჩა შთაბეჭდილება, რომ ღიპიანი ფეხბურთელების გუნდს ვუყურებდი. მე გასული სეზონის „აძურის” აჩრდილსაც ვერ ვხედავ. არც დარბიან იმავე მონდომებით, არც საქმისადმი დამოკიდებულებაა იგივე.

რუდი გარსიას სქემებზე მეტად მე მოთამაშეების სულისკვეთებას დავაყენებდი კითხვის ქვეშ. არადა, ეს გუნდი გასულ სეზონში „მილანთან” ჩემპიონთა ლიგის შეხვედრამდე ევროპაში აშკარად საუკეთესო ფეხბურთს თამაშობდა”.

შემდეგ კაპელომ ცალკეულ ფეხბურთელებზე ილაპარაკა. კერძოდ, მან „ნაპოლის” ორ ყველაზე პოპულარულ ვარსკვლავზე, ვიქტორ ოსიმენსა და ხვიჩა კვარაცხელიაზე გაამახვილა ყურადღება:

„თვით ოსიმენი და კვარაც კი უნდა დაუბრუნდნენ თავიანთ საუკეთესო მდგომარეობას. ჯერჯერობით, მათ არაფერი გაუკეთებიათ ისეთი, რისი წყალობითაც „ნაპოლი” სხვა გუნდებს აჯობებდა”.