მამას რასაკვირველია შურს

Giovanni Simeone of SSC Napoli celebrates the victory of italian championship at the end of the Serie A match between SSC Napoli and ACF Fiorentina... „ფიორენტინასთან” გამარჯვების შემდეგ, „ნაპოლის” არგენტინელმა თავდამსხმელმა ჯოვანი სიმეონემ „სქაი სპორტს” მისცა ინტერვიუ:

— სკუდეტოს მოგება ენით აუწერელი ემოცია იყო. მე ვარ დიეგოს მერე პირველი არგენტინელი, რომელიც იტალიის ჩემპიონი გახდა. კიდევ არ მჯერა, რომ ეს ყველაფერი ცხადია. მინდა შემდეგი კვირის განმავლობაში ქალაქში ვიარო და ფანებს შევხვდე. ყოველ დღე მეტად და მეტად მიყვარდება ნეაპოლი და ნეაპოლელები.

როდის მივხვდი, რომ სკუდეტოს ვიგებდით? როდესაც „ატალანტასთან” და „რომასთან” თავიდან გაგვიჭირდა, მაგრამ გავიმარჯვეთ. შემდეგ კი „იუვენტუსსაც” მოვუგეთ და მივხვდით, რომ მიზანთან ახლოს ვიყავით.

ყოველთვის მინდოდა „ნაპოლიში” მეთამაშა. ჩემში მუდამ იჯდა რაღაც, რაც ნეაპოლში მეძახდა. გუნდისთვის სულს და გულს არ ვიშურებდი. ყოველდღე ამაზე ვზრუნავდი. საკუთარ თავზე არასდროს მიფიქრია. ბედნიერი ვიყავი მაშინაც, როდესაც თავად არ ვთამაშობდი, მაგრამ გუნდი იგებდა. სხვა კლუბებში ასეთი რამ არ ხდება.

— მამა (დიეგო სიმეონე) თუ გაძლევდათ რჩევებს?

— ის ამ დღეებში ჩამოვიდა, რათა ჩემთან ერთად ეზეიმა სკუდეტო. ეს ნორმალური მამაშვილური ურთიერთობაა, ოღონდ, რასაკვირველია შურს, რადგან მე „ნაპოლიში” სკუდეტო მოვიგე.