იმედით ცოცხლობს ინგლისელი ადამიანი

Jordan Pickford's wife Megan looked far from impressed ამერიკელებთან ინგლისელთა მოსაწყენი 0:0-ის ყურება იოლი საქმე არ იყო, მაგრამ ადამიანი იმედს ებღაუჭება. ასე არიან ინგლისელებიც. მათი ნაკრები მსოფლიოს ჩემპიონატზე ირანთან ლაღად მოგებული 6:2-ის შემდეგ აშშ-ს ნაკრებს შეხვდა და… ჯგუფიდან გასვლა ვერ გაინაღდა.

Bukayo Saka's girlfriend Tolami Benson was left underwhelmed too გრეგ ბერჰალტერის გუნდი კარგად ორგანიზებული აღმოჩნდა და უკეთესი მომენტებიც ჰქონდა, მაგრამ საბოლოო ჯამში ეს იყო თამაში, სადაც ინგლისელ ფეხბურთელთა ცოლები და მეგობარი გოგონები მოწყენილობისგან ამთქნარებდნენ, რასაც „სანში” ცალკე სტატიაც კი მიეძღვნა. ტელემაყურებელმა კი ვეტერანი ფეხბურთელისა და სატელევიზიო ექსპერტის როი კინის გარეგნობას უფრო მეტი ყურადღება მიაქცია, ვიდრე იმას რაც მოედანზე ხდებოდა.

მაგრამ როგორც უკვე ვთქვით, ადამიანი იმედით ცოცხლობს. ინგლისელმა სტატისტიკოსებმა დავთრებს ჩახედეს და აღმოაჩინეს, რომ დიდ ტურნირებზე 0:0 მათი ნაკრებისთვის სიკეთის მომასწავებელი ანგარიშია.

მოგეხსენებათ, ინგლისი ერთხელ გახდა მსოფლიოს ჩემპიონი, შინ, 1966 წელს. სწორედ იმ შეჯიბრებაში ითამაშა „სამი ლომის” ნაკრებმა 0:0. ეს მოხდა პირველ მატჩში ურუგვაისთან. შემდეგ ალფ რემზის (მაშინდელ საბჭოთა პრესაში რამსეიდ მოიხსენიებდნენ) გუნდმა 2:0 აჯობა მექსიკასა და საფრანგეთს, 1:0 სძლია არგენტინას, 2:1 პორტუგალიას, ხოლო ფინალში, დამატებით დროში, 4:2 დაამარცხა გერმანიის ფედერაციული რესპუბლიკა.

ინგლისელებმა 0:0 ითამაშეს ევროპის ბოლო ჩემპიონატშიც, სადაც მეორე ადგილზე გავიდნენ. ეს მოხდა შოტლანდიასთან, ჯგუფური ეტაპის შეხვედრაში, რომელიც გუშინდელი მატჩივით მოსაწყენი იყო. ამის მიუხედავად, ინგლისმა გზა ბოლომდე განვლო და ფინალში იტალიასთან პენალტებით დამარცხდა.

ყატარი 2022-ის ჯგუფურ ეტაპზე გარეთ საუთგეიტის გუნდს ერთი შეხვედრა დარჩა, 29 ნოემბერს უელსთან.