გამბიტი არ გამოვიდა

გამბიტი, მოგეხსენებათ, იტალიური სიტყვაა და სარმას ნიშნავს. ჭადრაკის ისტორიისთვის სარმის დადება გამოუვიდათ სტრიმინგ-გიგანტ Netflix-ის სცენარისტებს და კონსულტანტებს, როცა კოხტაგოგო ანია ტეილორ ჯოის ნათამაშევი ბეტ ჰარმონის სახით მაყურებელს მოჭადრაკე ვაჟებთან მართლა წარმატებით მეომარი პირველი ქალი წარუდგინეს.

არადა ხომ ვიცით…

სამართლიანობის აღსადგენად უამრავი ვაჟ-დიდოსტატის დამმარცხებელმა მსოფლიო ჩემპიონმა ნონა გაფრინდაშვილმა კომპანია Netflix-ს სასამართლოში უჩივლა და პირველ წარმატებასაც მიაღწია: ნონა გაფრინდაშვილის ადვოკატების ინფორმაციით, სერიალ „ლაზიერის გამბიტის“ რეჟისორმა ფრენკ სკოტმა აღიარა, რომ მან “ჭადრაკის დედოფალის” კარიერული მიღწევების შესახებ სიმართლე იცოდა, რაც Netflix-ის მიერ მცდარი ფაქტების მიზანმიმართულად გავრცელებას ადასტურებს. გამოდის, რომ სერიალის სცენარისტებმა ფაქტები ფილმის დრამატიზების მიზნით შეგნებულად დაამახინჯეს.

კალიფორნიის სასამართლო სარჩელს “ნონა გაფრინდაშვილი Netflix-ის წინააღმდეგ” 24 იანვარს განიხილავს.

ავტორის პროფილი

ლაშა გეგეჭკორი: კაცი ჭადრაკსა და გრაფიკულ დიზაინზე შეყვარებული... წერილთქმნის შუალედებში "სარბიელელთა" პატარა, მყუდრო კომპანიებში რედაქტორისგან უჩუმრად კათხა (ბოთლა, ჭიქა...) ლუდის გადამკრავი... ასეთ ადამიანს მეტსახელად 90-იანების სამეგრელო - ზემო სვანეთის მთავარი პროკურორის სახელი რატომ უნდა დაანათლო - ეს მხოლოდ "სარბიელმა" იცის.