რომანს ვალი არ უყვარს

Chelsea news: Lampard admits besting old boss Mourinho was highlight of his season | Football | Sport | Express.co.uk რომან აბრამოვიჩმა „ჩელსის“ საჭე თომას ტუხელს კი გადააბარა, მაგრამ გუნდიდან გაშვებული ფრენკ ლამპარდის მისამართით სამადლობელი სიტყვები არ დანანებია.

ლიტონი სიტყვების გარდა, აბრამოვიჩი ლამპარდს კონტრაქტის ბოლომდე დარჩენილი ექვსი თვის ხელფასს – დაახლოებით 2 მილიონ გირვანქას გადაუხდის. თუმცა, რა მოსატანია 2 მილიონი, როცა გიჟმაჟ მილიარდერს ჯამში მწვრთნელებისთვის კონტრაქტის გაწყვეტის კომპენსაციად 112 მილიონი აქვს გადახდილი.

აბრამოვიჩის ეპოქაში „ჩელსის“ სულ 13 მწვრთნელი ჰყავდა და აქედან ათმა გუნდი კომპენსაციით დატოვა. ერთჯერადად ყველაზე მეტი – 26 მილიონი ანდრე ვილაშ-ბოაშს ერგო, ჯამურად კი ყველაზე მეტი ამ გზით ჟოზე მოურინიომ ჩაიჯიბა.

შეგახსენებთ, რომ სეუ ჟოზე ორჯერ ედგა სათავეში „ჩელსის“ და ორივეჯერ ვადაზე ადრე გაუშვეს. კომპენსაციამ პირველად 23,5, მეორედ კი 8 მილიონი გირვანქა შეადგინა.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".