მადრიდის „რეალის“ სერბ ფორვარდ ლუკა იოვიჩს შეუძლია გუნდი დატოვოს და იჯარის ხელშეკრულების საფუძველზე სხვა გუნდში გააგრძელოს კარიერა.
აღნიშნულ ვარიანტზე დასტური თავად ზინედინ ზიდანმა თქვა, წელს იოვიჩი არ მჭირდებაო. სერბის იჯარით აყვანის მსურველთა შორის ფავორიტი „რომაა“, რომელიც ლუკას სათამაშო დროის გარანტიას აძლევს. რიგში დგანან „მილანი“ და „ინტერი“, თუმცა ფეხბურთელი რომაულ ვარიანტს ამჯობინებს. საუბარი „მანჩესტერ იუნაიტედზეც“ იყო, მაგრამ როგორც კი კონკურენტები გამოჩნდნენ, სულშერი პასიური მოლოდინის რეჟიმში გადავიდა.
