„ჩელსის“ მწვრთნელმა ფრენკ ლემპარდმა ინგლისის თასის ნახევარფინალში „მანჩესტერთან“ 3:1 გამარჯვების შემდეგ კმაყოფილება ვერ დამალა.„მე ვერ მოვთხოვდი ბიჭებს უკეთესად თამაშს. საქმისადმი მათი მიდგომა და თამაშის ხარისხი საკმარისზე მაღალი იყო. როცა მეტოქემ ტაქტიკა შეცვალა, უკეთაც კი ავთამაშდით. ახლა წინ სამი ფინალი გველის – ორი პრემიერლიგაში და ერთიც „არსენალთან“. ბოლომდე დავიხარჯებით, მაგრამ შედეგისგან დამოუკიდებლად ჩვენი პროგრესი აუცილებლად გაგრძელდება,“ -თქვა ფრენკ ლემპარდმა.
„ჩელსის“ დამსახურებას ვერ დავუკარგავთ, მაგრამ ექსპერტთა აზრით, ეს ნახევარფინალი სულშერმა და დე ხეამ წააგეს. პირველმა არასწორი ტაქტიკური გადაადგილებებით ვერაფრით მიაგნო ოპტიმალურ სქემას, დე ხეამ კი მორიგი კატასტროფული მატჩი მიითვალა.
