არავინ ლივერპულის გარდა

Liverpool given '65%' chance to sign Timo Werner by BILD

გერმანიის ეროვნული გუნდისა და „ლაიფციგის“ 24 წლის ფორვარდ ტიმო ვერნერს მსურველები ნამდვილად არ აკლია. „ჩელსიში“ ან „მანჩესტერში“ გადასვლის პერსპექტივა (შესაბამისი სახელფასო წახალისებით) ნებისმიერ ფეხბურთელს დაახვევდა თავბრუს, თუმც არა ტიმოს.

ვერნერი აქამდეც აცხადებდა, რომ მისი ოცნების გუნდი „ლივერპულია“, დამატებითი მოტივაცია კი თანამემამულე იურგენ კლოპთან მუშაობის პერსპექტივა. ეს სიმპათია ორმხრივია, რაც ტიმო ვერნერმა და იურგენ კლოპმა პირადი საუბრისას კიდევ ერთხელ დაადასტურეს.

დარჩა ერთი მაგრამ: არც თუ სახარბიელო ფინანსური მდგომარეობიდან გამომდინარე, ლივერპულელებს გაუჭირდებათ ვერნერის კონტრაქტში გამოსასყიდად მითითებული 50 მილიონი ევროს გადახდა. ფეხბურთელმა სიტუაციას წერტილი ასე დაუსვა: თუ „ლივერპულში“ ტრანსფერი ვერ მოხერხდა, არც ერთი სხვა გუნდის წინადადებას არ განიხილავს და 12 თვეს „ლაიფციგში“ მოიცდის.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".