ჯოჯოხეთი სამოთხეში

https://www.youtube.com/watch?v=2sAhbYdIECA

ნევადის შტატში ასეთი ქალაქია – პარადაისი, რაც ქართულად სამოთხეს ნიშნავს.

წესების გარეშე ერთერთ მოჩხუბარ ბენ ასკრენას კი ვეჭვობთ ის სასიამოვნოდ დაამახსოვრდეს. ეს ქალაქი, მას ალბათ მუდამ ჯოჯოხუთურ შეგრძნებებს გაახსენებს.

მოკლედ, ბენ ასკრენა თანამემამულე ხორხე მასდივალმა ნოკდაუნში გაისტუმრა. აბა UFC-ის მოყვარულებს ამა თუ იმ მებრძოლის მონაწილეობით ყბაში მძიმედ მოხვედრილი მუშტი, გონების დაკარგვა და ოქტაგონზე მოცელილივით დავარდნა როგორ უნდა გაუკვირდეთ, მაგრამ ამ შემთხვევაში საქმე რეკორდთან გვაქვს.

„ბაშიაჩუკის“ არ იყოს, ბენ ასკრენას მისალმებაც კი არ აცადეს, რომ უკვე მოსასულიერებელი გახდა. მასდივალი მას ელვის სისწრაფით ეძგერა და 5 წამში ნოკდაუნში გაუშვა.

როგორც უკვე ვთქვით, ეს UFC-ის ახალი რეკორდია, წინამ კი 13 წელიწადს გაძლო. მაშინ, დონ ფრაუს მეტოქის გასათიშად 8 წამი დასჭირდა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...

უახლესი პოსტები

Post Views: 16