აქამდე მსოფლიოს ჩემპიონატების ფინალურ ეტაპებზე გატანილი გოლებით გერმანელი მიროსლავ კლოზე ლიდერობდა. აყლაყუდა ფორვარდს 16-ჯერ ჰქონდა დალაშქრული მეტოქეთა კარი.კლოზე უკვე მეორეა. ბრაზილიელმა მარტამ ქალთა მონდიალზე იტალიას ერთადერთი გოლი პენალტიდან გაუტანა და ეს მისი მე-17 გოლი იყო ფინალურ ეტაპებზე.
საპატიო სიაში მესამე ადგილს ბრაზილიელი რონალდო იკავებს. „კიჭას“ 15 გოლი აქვს გატანილი ფინალურ ეტაპებზე.
მარტას შედეგმა არ გაგაოცოთ. ეს გოგონა ფიფას ვერსიით ექვსჯერ დასახელდა წლის საუკეთესო ფეხბურთელად, რითაც მისი კონკურენტები ნამდვილად ვერ დაიტრაბახებენ.
