ეს სულ ასე უბერავს!

პარიზი ჩემი სახლია – ამას ნიშნავდა რაფა ნადალის მოპყრობა როჯერ ფედერერის მიმართ. ვისთვის ვინაა უდიადესი, მაგრამ რაფამ როჯერი „როლან გაროსის“ ნახევარფინალში 6:3, 6:4, 6:2 დაჩოგნა და პირად შეხვედრებში ანგარიში 24:15 აიყვანა.

თურმე, 2013 რომის თიხნარზე რომ მოუგო, რაფა როჯერს ზედიზედ ხუთჯერ გადაეყარა და ხუთჯერ წააგო.

ესპანელმა ეს სერია პარიზში შეწყვიტა, მაგრამ ახლა მეორე სერია ელოდება: აქამდე როლან გაროსის კორტებზე ფინალში 11-ჯერ გავიდა და ერთხელაც არ წაუგია.

მატადორი აშკარად ფორმაშია და ფინალში მის მომავალ მეტოქეს (ჯოკოვიჩი -ტიმის გამარჯვებულს) ცუდი დღე ელის.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".