კაცს რომ არც ბედი ექნება და არც სასკოლო გეოგრაფიული განათლება, ზუსტად ეგრეა პორტუგალიელი ალვარო რივეირას საქმე.
მისმა საყვარელმა „ბენფიკამ“ მეოთხედფინალის პირველ მატჩში „აინტრახტს“ 4:2 მოუგო, რის შემდეგაც ალვარომ გადაწყვიტა, გუნდის ტრიუმფს გერმანიაში, საპასუხო მატჩზეც დასწრებოდა და:
მანქანას ცოტა ხელი შეავლო…
შეადგინა ოპტიმალური მარშრუტი…
16.5 საათი საჭესთან იჯდა…
გერმანიაში პარიზის გავლით ჩავიდა და ეგრევე ფრანკფურტს მიაშურა…
მხოლოდ ამის შემდეგ აღმოაჩინა, რომ ფრანკფურტი ორია – ერთი მდინარე მაინზე და მეორე მდინარე ოდერზე.
ჰოდა, ამ ჩვენმა ბედოვლათმაც მეორეს მიაშურა. ორ ფრანკფურტს შორის მანძილი კი 600 კილომეტრია და ბუნებრივია, მატჩს ვერ დაეწრო, ხოლო მისმა საყვარელმა გუნდმა 0:2 დათმო და ნახევარფინალს მიღმა დარჩა.
