დაგნარი იტალიურად

A car and a motorbike burning after a clash between Genoa and Inter fans. „ჯენოასა’’ და „ინტერის’’ ფანებმა „სტადიო ლუიჯი ფერარისზე’’ იჩხუბეს. საქმეში პოლიციას მოუხდა ჩარევა. მილანელებმა 2:1 მოიგეს, თამაშამდე კი დიდი არეულობა იყო, ავტომობილები იწვოდა.

ხელისუფლებამ ხულიგნების დასაშოშმინებლად სპეცრაზმი გამოიყენა. იტალიური „სქაი სპორტი’’ იტყობინება, რომ მასპინძელმა გულშემატკივრებმა სპეციალურად მათთვის გამოყოფილ ადგილას შეჯგუფებულ სტუმრებს სხვადასხვა ნივთი დაუშინეს. ჯაბანნი არც მილანელები აღმოჩნდნენ, ტიხარი გაანგრიეს და მოდით, რა ბიჭები ხართ გვაჩვენეთო ― მუშტი კრივში გამოიწვიეს გენუელები. პოლიციამ მაშინვე სცადა მხარეების დაშოშმინება, მაგრამ ვაგლახ, ეს მხოლოდ პირველი შეტაკება გამოდგა.

იყო აგრეთვე შეტაკებები გენუელებსა და პოლიციელებს შორის, გადააყირავეს ნაგვის კონტეინერები, წაუკიდეს მათ ცეცხლი.