პრემიერლიგა ახალ-ძველ ბურთს გააგორებს

პრემიერლიგამ 2022-23 წლების სეზონის ბურთი წარადგინა — მისი ფოტო ტვიტერზე გამოაქვეყნა. დიზაინი ინგლისურ ფეხბურთში წლების წინ გაგორებული ძველი ბურთის გავლენით არის შექმნილი. მისი შემქმნელია „ნაიკი”, ხოლო ნიმუში, რომელმაც ავტორებს ახალი გაფორმება შთააგონა 1992-93 წლის „ მაიტრ პრო-მაქსი” გახლავთ.

The Premier League have released the new Nike ball for the 2022-23 season - inspired by the 1992-93 Mitre Pro-Max The 2022-23 Nike ball is heavily inspired by the Mitre Pro-Max used in the first-ever Premier League season პრემიერლიგის ისტორია სწორედ 1992-93 წლების სეზონიდან იღებს სათავეს.

ამრიგად, პრემიერლიგის დაარსების 30 წლის თავზე ბურთს კვლავ ცისფერი, წითელი და ოქროსფერი ორნამენტი დაამშვენებს.

ფანები კი სოციალურ ქსელებში ახალ ბურთს გამოხმაურების გარეშე როგორ დატოვებდნენ. იყო უამრავი კომენტარი, თუმცა საინტერესოა, რომ ყველაზე მეტი თავად ბურთს კი არა, კრიშტიანუ რონალდუს ეხებოდა. „მანჩესტერ იუნაიტედის” პორტუგალიელმა ვარსკვლავმა გასულ სეზონში 18 გოლი შეაგდო და მისი გულშემატკივარი იმედოვნებს, რომ ფორვარდი არც წლეულს დააკლებს. ზოგი წერდა, ამ ბურთს რონალდუ ყოველ ტურში შინ წაიღებსო, ზოგი ამტკიცებდა, რომ კრიშტიანუ პირველივე ტურში ჰეთ-თრიქს შეასრულებს და პირველი ბურთიც მას დარჩება.

აქტიურობა არც „მანჩესტერ სიტის” ფანებმა დააკლეს, რომელთაც ახალი ვარსკვლავი ერლინგ ჰოლანდი შეემატათ. ის კი არა, „ჩელსის” ქომაგებმა ტიმო ვერნერს უწინასწარმეტყველეს ახალი ბურთის შინ წაღება.

რასაკვირველია, იყო კომენტარები, რომლებიც ბურთს ეხებოდა. ბევრმა იხუმრა, რა შთაგონება, რის შთაგონება, ახალი დიზაინი ძველიდან არის გადახატულიო. ზოგმა დაწერა, ნეტავ „მაიტრის” ადვოკატები საჩივარს ხომ არ ამზადებენო.