პირველი ვარდი – სარბიელი

No description available. შაბათს ინგლისის თასის ფინალში „ლესტერმა“ 1:0 დაამარცხა „ჩელსი“.

ეს შეხვედრა განსაკუთრებული იყო ლესტერელი ჯეიმი ვარდისთვის. ის პირველი ინგლისელი ფეხბურთელია, ვინც თასის გათამაშების ყველა, 13-ვე რაუნდში მიიღო მონაწილეობა.

ბუნებრივია, ამ რეკორდს ვერავინ გააუმჯობესებს და მხოლოდ მისი გამეორება შეიძლება. ვარდის პირველი გოლი ინგლისის თასის გათამაშებაში ჯერ კიდევ 2007 წელს აქვს გატანილი.

რაც შეეხება ტიტულებს, კარიერაში მეორეა – 2016 წელს „ლესტერთან“ ერთად ჩემპიონი გახდა.

მიმდინარე სეზონში ვარდის ანგარიშზე 40 მატჩში გატანილი 15 გოლი და 9 საგოლე გადაცემაა. რაც შეეხება კონკრეტულად თასის გათამაშებას, ჯეიმი არც გოლით და არც საგოლე პასით არ გამორჩეულა.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".