ბარსელონა სეტიენს აუჯანყდა

ყოვლისმცოდნე ესპანური მედია სკანდალურ ინფორმაციას ავრცელებს:

„სელტასთან“ ფრედ დასრულებული შეხვედრის შემდეგ ფეხბურთელებსა და მთავარ მწვრთნელ კიკე სეტიენს შორის საკმაოდ ხმამაღალი საუბარი შედგა.

გუნდი უკმაყოფილოა როგორც სეტიენის მიერ შერჩეული ტაქტიკით, ასევე თამაშის მსვლელობისას მის მიერ შეტანილი კორექტივებით. საქმე მხოლოდ კონკრეტულ შეხვედრაში და დაკარგულ ორ ქულაში როდია. წყაროს ინფორმაციით, მთავარ მწვრთნელსა და ფეხბურთელებს შორის არ არის ჰარმონია და ურთიერთგაგება. ამას, ლა ლიგის ფინიშის სწორზე, შესაძლოა, გადამწყვეტი მნიშვნელობა ჰქონდეს – ფეხბურთელებმა სეტიენის მიმართ ნდობა დაკარგეს და შიშობენ, რომ ასეთი თამაშით სეზონს უტიტულოდ ჩაამთავრებენ.

შეგახსენებთ, რომ ჯერჯერობით ცხრილს „რეალი“ ლიდერობს და თუნდაც გუნდები ერთნაირი ქულებით მივიდნენ ფინიშზე, ურთიერთშეხვედრების წყალობით უპირატესობა მადრიდელებს ექნებათ.