რეგულარული დამთავრდა

თბილისის სპორტის სასახლეში დასრულდა საქართველოს რეგულარული ჩემპიონატი ხელბურთში. გაირკვა ფინალური ოთხეული. ცხრილი საბოლოოდ დალაგდა.

ბოლო ტურის მთავარ შეხვედრაში „პეგასმა” დაძაბულ შეხვედრაში მოუგო „ქუთაისს” 28:26. თბილისელებს უძლიერესი შემადგენლობა ჰყავდათ, ქუთაისელებს კი მარცხენა გარემარბი უჩა გამზარდია აკლდათ. ამ შეხვედრაში გუნდებს შორის მაქსიმალური სხვაობა სამქულიანი იყო და პირველად ის დასაწყისშივე დაფიქსირდა, როდესაც „ქუთაისი” 3:0 დაწინაურდა. შემდეგ, 22-ე წუთამდე რიონისპირელები წინ იყვნენ, 22-ზე კი ანგარიში გათანაბრდა 10:10, რის შემდეგაც ორი გოლი კიდევ „პეგასმა” შეაგდო. თუმცა, ტაიმი მაინც ქუთაისელებმა მოიგეს — 14:13.

შესვენების შემდეგ „ქუთაისმა” ორჯერ მოახერხა ორბურთიანი უპირატესობის მოპოვება, მაგრამ „პეგასმა” არ დათმო და დიდი ბატალიების შემდეგ სამი ბურთითაც (27:24) კი გავიდა წინ. საბოლოოდ „პეგასმა” გაიმარჯვა.

„სამტრედიამ” მოუგო „სპორტის უნივერსიტეტს” 41:28; „გორმა” აჯობა წყალტუბოს „პრომეთეს” 43:33, ხოლო ბათუმის BSB-მ თელავის „იმედი-სტუ”-ს სძლია 45:33.

ამრიგად, 22 მაისს, ნახევარფინალებში BSB შეხვდება „იმედი-სტუს”, ხოლო „პეგასი” „ქუთაისს”.

ფინალი 23 მაისს გაიმართება.

შეგახსენებთ, რომ საქართველოს ჩემპიონატის დასრულების შემდეგ თბილისში ცხელი სახელბურთო ზაფხული გველის: 8-18 ივნისს გაიმართება IHF-ის ერთა ჩემპიონატი ეროვნულ ნაკრებებს შორის, ხოლო 3-11 აგვისტოს 17 წლამდელ გოგონათა ევროპის ჩემპიონატი.

საბოლოო ცხრილი	თ	მ	ფ	წ	გოლები	ქ
1 BSB ბათუმი	21	19	0	2	910-607	38
2 პეგასი	21	18	0	3	829-611	36
3 ქუთაისი	21	16	0	5	881-615	32
4 იმედი-სტუ	21	13	0	8	727-623	26
5 გორი	21	8	0	13	744-920	16
6 სპორტუნი	21	5	1	15	698-894	11
7 პრომეთე	21	2	1	18	526-794	5
8 სამტრედია	21	1	2	18	559-790	4

ავტორის პროფილი

პაპუნა კედია: "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.

უახლესი პოსტები

Post Views: 1