დე ბრუინი: კიდევ კარგი ბურთს არავინ შეეხო

დაიწყო სერია A-ს მორიგი ჩემპიონატი. ხვიჩა კვარაცხელიას ყოფილმა გუნდმა „ნაპოლიმ’’ სტუმრად 2:0 მოუგო „სასუოლოს’’. ანგარიში მე-17 წუთზე სკოტ მაკტომინეიმ გახსნა, 57-ე წუთზე კი კევინ დე ბრუინმა საჯარიმო დარტყმით მეორე შეაგდო.

მატჩის შემდეგ ბელგიელმა ვეტერანმა Dazn-ის მიკროფონების წინ კომენტარი გააკეთა. მან თქვა:

„ჯარიმა რომ დავარტყი მინდოდა ბურთი სახიფათო ზონაში ჩამეგდო, მაგრამ ბედად მას არავინ შეეხო და პირდაპირ კარში შევარდა…

…იტალიაში სულ სხვანაირად მუშაობენ ვიდრე ინგლისში. ამიტომ, მე უნდა ავუღო გუნდს ალღო და არა გუნდმა მე…

…უკეთესად თამაში დღესაც შეგვეძლო. ჩვენ უნდა გავაგრძელოთ მუშაობა, რათა შარშანდელი მიღწევა გავიმეოროთ…

…იტალიური მესმის, მაგრამ ჯერ ძალიან ცუდად ვლაპარაკობ’’.

Kevin De Bruyne of Napoli takes a free kick during the Serie A match between US Sassuolo Calcio and SSC Napoli at Mapei Stadium Citta del Tricolore...