საქართველოს ნაკრებმა წყალბურთელთა ევროპის ჩემპიონატის საკვალიფიკაციო ეტაპი გამარჯვებით დაიწყო – ჩვენმა გუნდმა ბულგარეთს 41:10 მოუგო.
ანგარიშიდანაც ჩანს, რომ მატჩის პერიპეტიებზე საუბარს აზრი არ აქვს – საქართველოს ნაკრების უპირატესობა თვალსაჩინო იყო.
გეტყვით იმას, რომ საქართველოს დედაქალაქში თავი ჩვენი გუნდის გარდა, ისრაელის, შვეიცარიისა და ბულგარეთის ნაკრებებმა მოიყარეს. ჯგუფში ორი საუკეთესო გუნდი ევროპის ჩემპიონატზე ითამაშებს.
ჩვენივე ჯგუფში ისრაელმა შვეიცარიას 23:13 მოუგო.
ხვალ საქართველოს ნაკრები შვეიცარიას შეხვდება, ხოლო ისრაელი ბულგარეთს დაუპირისპირდება.