ვალენსიას ქართველი რეკორდსმენი

საქართველოს ნაკრებისა და „ვალნსიას“ ქართველი მეკარე გიორგი მამარდაშვილი კლუბის რეკორდსმენი გახდა – მამარდა „ღამურების“ ისტორიაში პირველი მეკარე გახდა, ვინც ლა ლიგაში ზედიზედ 61 მატჩი ჩაატარა.

23 წლის მამარდაშვილმა ხოსე მანუელ ოჩოტორენას რეკორდი გააუმჯობესა, რომელმაც ესპანეთის ჩემპიონატში შეუცვლელად 59 შეხვედრა ჩაატარა – აღნიშნულ რეკორდს სოციალურ ქსელში „ვალენსიას“ ოფიციალური გვერდიც გამოეხმაურა.

შეგახსენებთ, რომ გიორგი მამარდაშვილი „ვალენსიას“ ღირსებას 2022 წლიდან იცავს – გუნდის მაისურით ყველა ტურნირზე 86 მატჩი ჩაატარა, საიდანაც 25-ში კარი მშრალად შეინახა.

ლა ლიგის მიმდინარე სეზონში „ვალენსიას“ 35 ქულა აქვს და სატურნირო ცხრილში მეშვიდე ადგილზეა.

ავტორის პროფილი

გიორგი ვაშაკიძე: გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.

უახლესი პოსტები

Post Views: 35