2024 წელს მეკვლე გუნდურ სახეობებში წყალბურთელთა ნაკრები გამოდგა. კარგია, რომ სპორტში არ არიან სხვის ფეხზე თუ წყალზე დამოკიდებულნი და იმედია, თავიანთ საქმეს წლეულს იმაზე უკეთ გააკეთებენ, ვიდრე დეიან სტანოიევიჩის გუნდმა დაიწყო.
ხორვატიაში დაწყებული ევროპის ჩემპიონატის პირველ მატჩში საქართველო იტალიასთან 5:22 განადგურდა.
გასაგებია, ძლიერი მეტოქეა, მაგარი გუნდი, მაგრამ მაინც მტკივნეული მარცხია. ჯგუფში წინ კიდევ ორი მატჩია – უნგრეთთან და საბერძნეთთან. ორივეს წააგებენ, ეს თავადაც იციან, მაგრამ იმაზე უკეთ მაინც უნდა ითამაშონ, რაც იტალიასთან… არ გვსურს ისეთი გუნდი გვყავდეს, მხოლოდ ერთი თამაში მოიგოს და ამით ისტორიული შედეგი დააფიქსიროს…