ზვოკი: გარსიამ სპალეტის თამაში შეცვალა, რაც შეიძლება დიდი შეცდომა აღმოჩნდეს

Il mito dimenticato di Stefan Schwoch a Napoli (o del perché non dovrebbero esistere eroi di serie B) | Mondocalcio Magazine — ზვოკი „ნაპოლის” წლებში

„ნაპოლის” ყოფილი ფეხბურთელი და DAZN-ის ცნობილი კომენტატორი სტეფან ზვოკი Radio Marte-თან ინტერვიუში მის ყოფილ გუნდში შექმნილ მდგომარეობაზე საუბრობს. ზვოკი, რომელსაც „აძურის” მაისურით 1999-2000 წლების სეზონი აქვს გატარებული, ლუჩანო სპალეტის შემცვლელის რუდი გარსიას ტაქტიკურ მიდრეკილებებზე ამახვილებს ყურადღებას. ის ამბობს, რომ ფრანგის თამაშის სტილი ისეთ ლიგაში, როგორიც არის სერია A რისკებს შეიცავს.

„ლივორნოს”, „რავენას”, „ვენეციას”, „ტორინოს” და „ვიჩენცას” ყოფილი თავდამსხმელი ამბობს: „გარსია სპალეტის ტაქტიკას რომ შეცვლიდა, ეს გარდაუვალი იყო. ის საერთაშორისო დონის მწვრთნელია, მას ევროლიგის ფინალში ჰყავს გუნდი („მარსელი”, 2017-2018) გაყვანილი და ბუნებრივია თავისი განსხვავებული სიტყვის თქმა ენდომებოდა. მეორე მხრივ, ეს ფრანგის სითამამეზე მიანიშნებს, რადგან ადვილი შესაძლებელია მისმა მეთოდმა არ გაამართლოს. სერია A-ში გამოდის მძვინვარე „ინტერი”, „მილანი” და „იუვე”. ამ ლიგაში თავიდანვე დაწინაურება მნიშვნელოვანია და ამიტომ ახალ ტაქტიკასთან შეგუების პერიოდი შესაძლოა „ნაპოლისთვის” სახიფათო იყოს.

ადრე თუ გვიან გარსია საქმეში აუცილებლად ჩართავს რასპადორის და 4-2-3-1 სქემაზე გადაერთვება, მაგრამ დაკარგავს ლობოტკას ფაქტორს. მე უკვე ვხედავ, რომ სლოვაკი ძველებურად საკვანძო ფიგურა აღარ არის. ჩემი აზრით ის ოსიმენთან ერთად გასული სეზონის გუნდში გადამწყვეტი ფიგურები იყვნენ”.