„ვალენსიას” ფეხბურთელები უგო გილამონი, გიორგი მამარდაშვილი და ანდრე ალმეიდა საქართველოსა და რუმინეთში მიმდინარე 21-წლამდელთა ევროპის ჩემპიონატზე მეოთხედფინალში გავიდნენ.
ესპანეთის ახალგაზრდულმა ნაკრებმა B ჯგუფი პირველ ადგილზე დაასრულა. მან აბელ რუისის მიერ 90-ე წუთზე გატანილი გოლის წყალობით 2:2 ითამაშა მეორეზე გასულ უკრაინასთან. უგო გილამონი ამ შეხვედრაში კვლავ სასტარტო შემადგენლობაში მოხვდა და კაპიტნის სამკლაურიც ეკეთა. გილამონმა უკრაინის კარში გატანილ ორივე გოლში მიიღო მონაწილეობა, თუმცა მის თამაშს სტაბილურს ვერ დავარქმევთ.
საქართველომ, რომელიც რუმინეთთან ერთად შეჯიბრების თანამასპინძელია, ევროპას სიურპრიზი მოუწყო. მან A ჯგუფში პირველი ადგილი დაიკავა. მეორე ადგილზე გავიდა პორტუგალია. მათ ჯგუფში ჩატოვეს ნიდერლანდები და ბელგია. „ვალენსიას” მეკარე მამარდაშვილი სამიდან ბოლო ორ შეხვედრაში მოედანზე იყო. პირველი მატჩი მან იმიტომ გამოტოვა, რომ ევროპის ჩემპიონატის დაწყებამდე ერთი დღით ადრე ეროვნულ ნაკრებში ითამაშა, შოტლანდიაში.
საქართველოს ჯგუფში, ანდრე ალმეიდას პორტუგალიამ ბელგიასთან შეხვედრის 89-ე წუთზე მოპოვებული პენალტით გაიმარჯვა. ალმეიდა პირველ ორ შეხვედრაში სასტარტო შემადგენლობაში იყო, ამჯერად კი ჟოაო ნევესის ნაცვლად მოედანზე 68-ე წუთზე შევიდა.
ნიდერლანდები – საქართველო 1:1
ზურიკო დავითაშვილი ხვიჩა კვარაცხელიას სახით მოგვევლინა. „ნაპოლის” ფეხბურთელმა მის სამშობლოში მიმდინარე ჩემპიონატის დაწყების წინ მონაწილეობაზე უარი თქვა, მაგრამ ის გადაღმა, მარჯვენა ფლანგიდან დავითაშვილმა ჩაანაცვლა. 42-ე წუთზე მან ხუთი მოწინააღმდეგე ჩამოიტოვა და ანგარიში გახსნა.
ტრიბუნები, რომლებზეც 21-წლამდელთათვის სარეკორდო რაოდენობის 43 004 მაყურებელი შეიკრიბა, გაგიჟდა. დამატებით, გამოჩნდა კიდევ ერთი, მოულოდნელი დამხმარე — პირველ ტაიმში მოედანზე ძაღლი შეიპარა.
კენეთ ტეილორმა ანგარიში გაათანაბრა, მაგრამ საქართველომ ნიდერლანდების ზეწოლას გაუძლო. ჰოლანდიელებს პირველ ტაიმში ქანცი გაძვრათ. მეორეში ბურთს ისინი ფლობდნენ, მაგრამ კარში ვერ დაარტყეს.
