გარეთ ბეილმა „რეალში“ ითამაშა. ეს დაახლოებით ისეა, ბრაზილიაში თოვლი მოვიდეს. ბეილი 74-ე წუთზე გამოჩნდა „რეალი“ – „ხეტაფეს“ შეხვედრაში (ქარიმ ბენზემა შეცვალა) და გემრიელი სტვენაც ხვდა წილად.ეს „სანტიაგო ბერნაბეუზე“ მისი პირველი მატჩი იყო ორი წლის განმავლობაში… ხან ტრავმა, ხან ცუდი სათამაშო ფორმა, ხან მწვრთნელების უნდობლობა – უელსელს აიწონა-დაიწონა კარიერა აქვს.
სამაგიეროდ, ნაკრებში ძალიან მაგარია. სწორედ ბეილის დამსახურებაა, რომ უელსი ერთ ნაბიჯშია მსოფლიო ჩემპიონატზე გასვლისგან: ივნისში შეხვდება უკრაინა – შოტლანდიას შორის მოგებულს.
თავად ბეილს არანაირი რეაქცია არ ჰქონია ფანების ცუდ დახვედრაზე. დიდი ალბათობით, უელსელი ზაფხულში გუნდს დატოვებს.
